• 11 noviembre, 2018

Solemnidad de San Martín de Tours

Solemnidad de San Martín de Tours

SAN MARTIÑO DE TOURS

Día 11 de noviembre

Facer memoria da historia sagrada da nosa Igrexa é xusto e necesario para non deixarnos asoballar por tantas acusacións como se nos fan de pecado e de falta de testemuño cristián.  Temos que tomar exemplo dos nosos santos, que viviron a virtude tantas veces en grado heroico, e sempre en ben dos máis pobres e desfavorecidos. Existe unha narración de Gregorio de Tours (538-673), que ven a dicir que a conversión dos suevos en Ourense debeuse a que San Martiño de Tours curou milagrosamente ao fillo do rei suevo Carriarico e, en pago da curación, nomeouno patrón tanto da Catedral coma da Diocese. O certo é que, cando nace Martiño de Tours, no 317, aquí en Ourense viviamos no período dos suevos  (últimos de século IV ata os primeiros o século VI). E non chegará a nosa terra a fama da súa santidade ata que outro Martiño, neste caso San Martiño de Dumio, nos dera a coñecer ao santo taumaturgo da Pannonia en Hungría. Ambolos dous eran paisano, anque este era dous séculos posterior. Dende a curación milagrosa do fillo do rei  Carriarico tódolos ourensáns convertéronse de aquela  a verdadeira fe cristiá. E tamén dende aquela, cada ano os ourensáns somos fieis a celebración da festa do noso Patrón Martiño. Cando a Igrexa diocesana está a celebrar o Sínodo na procura de unha nova evanxelización para a nosa terra, non podemos menos de ollar ao pasado e aprender de San Martiño, evanxelizador das terras galas, sen esquecer ao outro San Martiño de Braga, que foi quen de evanxelizarnos aos galegos.

 “Martiño, eu son Xesús, a quen ti lle deches a metade da túa capa para que non pasara frío”. A imaxe de Martiño, compartindo a capa co pobre mendigo, convértese para todos nós en icono de misericordia e en modelo a imitar para tódolos pastores da Igrexa. Traballou arreo pola evanxelización das terras de Tours; congregou aos pobos en parroquias; creou comunidades para acoller aos sacerdotes, que residirían en mosteiros, co gallo de asegurarlles unha constante formación permanente con un clima axeitado para  oración e a contemplación; e logo íaos enviando a cada unha das zonas segundo as súas necesidades e posibilidades.
Galería de fotos:

 

Nombre (requerido)

Correo electrónico (requerido)

Asunto

Mensaje

Los datos que proporciones mediante este formulario serán tratados por el Cabildo de la Catedral de Ourense. La finalidad de la recogida de estos datos es la de atender a tu solicitud. Estos datos son enviados directamente a catedralourense@gmail.com, cuenta de email situada en un servidor de la Unión Europea. Puedes ejercer tus derechos de acceso, rectificación, supresión, olvido, portabilidad, limitación a tratamiento, cancelación y oposición enviando un correo electrónico a catedralourense@gmail.com. Puedes consultar la información completa y detallada sobre privacidad en la Política de Privacidad de esta web.