• 26 octubre, 2018

Misa de acción de gracias pola canonización do papa San Paulo VI

Misa de acción de gracias pola canonización do papa San Paulo VI

 

San Paulo VI

MISA DE ACCIÓN DE GRACIAS POLA CANONIZACIÓN Do PAPA PAULO VI

 O domingo, 14 de outubro, na praza de San Pedro en Roma,  o papa Francisco canonizaba a Paulo VI (1897-1978), ao mártir salvadoreño monseñor Oscar Romero (1.917-1.980), a madrileña de nacemento e boliviana de corazón Nazaria Ignacia (1889-1943) e a catro novos santos máis.

 O papa Francisco dixo na súa homilía que “seguindo o exemplo do apóstolo do que tomara o seu nome, Paulo VI “gastou a súa vida polo Evanxeo de Cristo, cruzando fronteiras e converténdose en profeta dunha Igrexa extrovertida que mira aos que están lonxe e coida dos pobres». Sendo arcebispo de Milán, co gallo da misión na arquidiocese , dixo: “aos que están lonxe, aos que non son católicos, aos que se confesan anticlericais, a aqueles que están lonxe, porque dubidan da validez do noso credo; … a aqueles que están lonxe pola desconfianza na Igrexa e nos curas; … vinde todos; os brazos de Cristo permanecen abertos para vós; o meu único sentimento e propósito será  para vós o do amor paterno”. “Por que se afasta este irmán?, preguntábase:  porque non é querido de abondo… Irmáns que estades lonxe, perdoádenos”.

 O papa da Evangelii Nutiandi, xa pedía na misión de Milán un novo estilo de pastoral: “a primeira necesidade e o primeiro deber é a presentación da nosa relixión ao mundo moderno de forma máis xenuína e eficaz”; “a gran urxencia pastoral consiste en formar verdadeiros católicos, fieis e valentes … especialmente a través da Acción Católica”.  Necesitamos mirar cara o futuro: “de que vale unha tradición que non mira para adiante e que se basea só en recordos? Esa tradición extínguese, morre. A tradición cristiá debe mirar cara diante. Unha tradición que desafía o futuro e crece en dificultades é unha tradición viva, en camiño e, por iso, sinodal … “. E convén recordar que “o home contemporáneo escoita máis a gusto aos que dan testemuño que aos que ensinan, e si escoitan aos que ensinan, é porque dan testemuño”.

 O Papa Francisco concluíu na súa homilía de canonización dicindo: “Hoxe, San Paulo VI,  tamén nos invita, xunto co Concilio Vaticano II, do que foi sabio temoneiro,  a vocación universal á santidade”. 

Hoxe, día 26 de outubro, venres, ás 20.00 horas, teremos na Catedral unha misa de acción de gracias a Deus, noso Pai, pola canonización do papa San Paulo VI. Presidirá o Sr. Bispo de Ourense.

Galería de Fotos:

 

 

 

Nombre (requerido)

Correo electrónico (requerido)

Asunto

Mensaje

Los datos que proporciones mediante este formulario serán tratados por el Cabildo de la Catedral de Ourense. La finalidad de la recogida de estos datos es la de atender a tu solicitud. Estos datos son enviados directamente a catedralourense@gmail.com, cuenta de email situada en un servidor de la Unión Europea. Puedes ejercer tus derechos de acceso, rectificación, supresión, olvido, portabilidad, limitación a tratamiento, cancelación y oposición enviando un correo electrónico a catedralourense@gmail.com. Puedes consultar la información completa y detallada sobre privacidad en la Política de Privacidad de esta web.