CONCERTO DE NADAL CON MARÍA DO CEO S. I. CATEDRAL DE OURENSE Hora: 20.30 h Lugar: Catedral 21 – XII – 2018
Naceu na cidade portuguesa de Porto. Cando tiña dez anos a súa familia mudouse a Ourense e nesta cidade viviu desde entón. María do Ceo xunta na súa persoa e na súa expresión artística a melancolía portuguesa ca dozura galega. A paixón e tenrura do fado, contaxiado por Amalia Rodríguez, para quen cantou en homenaxe póstumo no Coliseum de Lisboa, convértena en embaixadora da cultura galaico portuguesa ao redor do mundo. María do Ceo tivo a oportunidade de cantar para San Xoán Paulo II, entre outras moitas personalidades. O seu curriculum espállase por Alemaña, Francia, Suíza, Italia, Arxelia, Exipto, Uruguai, México e Arxentina. En España e Portugal deu concertos en lugares emblemáticos como a Sagrada Familia de Barcelona, o Santuario de Nosa Señora da Barca en Muxía, Os Alcázares en Sevilla, a Igrexa dos Amantes en Toledo, o Teatro García Barbón en Vigo, o Teatro Colón na Coruña, o Teatro Falla de Cádiz, o Palacio da Bolsa do Porto, o Teatro Emperador de León, os Xardíns Piquío de Santander eo Teatro de la Luz de Madrid. «… serenidade, dozura, vigor interno, emoción sostida, que nos transmiten as cancións de María do Ceo. María do Ceo provoca ondas de fervor na alma, pronuncia palabras con coidado, revitaliza o seu contido semántico e expresa para nós o zume de todo o poema » (O escritor X. L. Méndez Ferrín)
.
]]>