• 3 septiembre, 2022

Novena a las advocaciones marianas de Ourense

Novena a las advocaciones marianas de Ourense

 Ourense Mariano

A Clamadoira 2022

Ourense mariano honra a Virxe María na xeografía debuxada polos principais santuarios marianos nos nosos montes e nos nosos vales (val do Miño, val do Sil, val do Arnoia, val do Támega, val do Limia, val do Salas, o val do Arenteiro e o val do Avia…). As advocacións marianas, que inflaman de amor e devoción os nosos corazóns, fanse presentes nestes días do setembro. Milagres, Portal, Remedios, Peneda, Xurés, Clamadoira, Aparecida, Cristal, … están de festa neste mes de setembro.

Claro que a Virxe da Clamadoira celebra a súa festa no segundo domingo de setembro. Polo que levamos visto ata agora nas outras advocacións marianas, o cheo vai a ser histórico. A xente ten ganas de saír, ten ganas de verse, ten ganas de saudarse e de contar as súas vivencias persoais e familiares, ten moitas ganas de festa e de troula.

Temos un motivo especial para subir ao monte da Clamadoira: darlle gracias ao Señor perante a Virxe María por ter feito o milagre de librarnos da covid 19 coa unión investigadora dos científicos, ca entrega do persoal do mundo sanitario, coa colaboración dos medios de comunicación audiovisuais e do transporte, coa resposta dos agricultores e gandeiros; todos a unha na loita contra a covid 19.

Pero sempre hai peros na vida; nada máis saír de unha xa estamos metidos noutra e non de menor calado: guerra de Ucraína. Eu non sei si os nosos gobernantes pensaron, si é que pensan, nas consecuencias do conflito. Rusia ten os ases na manga e, en tempos de guerra, vainos usar. Toda Europa sometida a estratexia do chantaxe do estratega ruso. Consecuentemente, prezos altísimos nos alimentos por aquelo da inflación, prezos altísimos na enerxía (gas, petróleos, electricidade ).  No alto da Clamadoira pedímoslle a nosa Señora que “veña a paz a nosa terra” . Mentres teñamos capacidade de diálogo, sobran as armas.

Os lumes volveron a nosa terra galega. Ven a miña memoria o verro de aquel político galego: “hai que queimar todo”. ¿Cal será o motivo de tanta queima no momento presente? O lume está ben nos lares, pero é un pecado gravísimo queimar montes, vales, leiras e casas. ¡Que a Virxe María nos dea un san xuízo”

E, por último, as nosas terras e as nosas xentes morren de sede. Os pobos buscan as fontes, esquecidas xa fai tempo, para aproveitalas e guialas aos depósitos de cada comunidade. A Igrexa ten unhas oracións para pedirlle ao Señor que apague a nosa sede e a sede dos nosos campos: “ad petendam pluviam”.  É tempo propicio para facer esta oración, pondo por intercesora a Virxe da Clamadoira.

    Nombre (requerido)

    Correo electrónico (requerido)

    Asunto

    Mensaje

    Los datos que proporciones mediante este formulario serán tratados por el Cabildo de la Catedral de Ourense. La finalidad de la recogida de estos datos es la de atender a tu solicitud. Estos datos son enviados directamente a courense@artisplendore.com, cuenta de email situada en un servidor de la Unión Europea. Puedes ejercer tus derechos de acceso, rectificación, supresión, olvido, portabilidad, limitación a tratamiento, cancelación y oposición enviando un correo electrónico a courense@artisplendore.com Puedes consultar la información completa y detallada sobre privacidad en la Política de Privacidad de esta web.