IMG_4177

Domingo de Pascua de Resurrección

por CelebracionesEspiritualidadEventos especialesFestividadesGaleríaHistoria

Domingo da Resurrección do Señor

Na festa da Pascua bendícense as casas, estréanse os vestidos, prepáranse os campos para a sementeira, todo se anova. Porque este é o día en que o Señor actuou, é a solemnidade das solemnidades e é a nosa Pascua: Cristo Resucitado, El é o noso Salvador. En tempos, o repique das campás manifestaban a alegría dos crentes neste grande día de festa. Hoxe hai campás, pero non hai xente que as repique.

Cremos que Cristo resucitou de entre os mortos porque aceptamos o testemuño dos apóstolos, que viron o sepulcro baleiro e creron; porque comeron e beberon con el, despois da súa resurrección; e este é o testemuño que nos transmite a Igrexa ao longo dos séculos.

Isto aconteceu o primeiro día da semana e a partir de entón é domingo, día do Señor Resucitado, a pedra que os arquitectos rexeitaron é agora a pedra angular da Igrexa. A través da fe e do bautismo resucitamos con Cristo, o verdadeiro Año que quitou o pecado do mundo, que ao morrer destruíu a nosa morte e ao resucitar restaurou a vida. Por iso e dende entón hai que buscar sempre os bens do ceo, onde Cristo está sentado á dereita de Deus Pai.

A celebración componse de tres partes ben diferenciadas: a procesión de Santa María Nai dende a súa igrexa ata a Catedral para o encontro co Resucitado, a solemne celebración da Pascua do Señor cos cantos do aleluia e a procesión do retorno a igrexa de Santa María Nai. ¡Feliz Pascua a todos; Cantemos e saltemos de ledicia, porque resucito o Señor!

Galería de la Celebración:

]]>

Image-3

Vixilia Pascual

por CelebracionesEspiritualidadEventos especialesFestividadesGaleríaHistoriaTiempo litúrgico fuerte

Vixilia Pascual na Noite Santa

Na noite do Sábado Santo celébrase a Vixilia Pascual, que debe ser considerada como «a nai de todas as Santas Vixilias» (San Agustiño). É a vixilia que conmemora a resurrección do Señor, a noite da verdadeira liberación, na que, “rompidas as cadeas da morte, Cristo ascende vencedor do abismo”. Nesta Vixilia adminístranse os sacramentos da iniciación cristiá. Elementos destacados de esta liturxia son a festa da luz, o anuncio da Palabra, lembrando as marabillas que Deus fixo no seu pobo, a renovación das promesas bautismais e a Eucaristía, que é a máis importante de todo o ano litúrxico. Nesta hora da tarde noite resoan con ledicia o canto da Anxélica, do aleluia pascual e o canto do Gloria.

A Vixilia Pascual é moi celebrada na Igrexa Ortodoxa, tanto é así que dura toda a noite ata o amencer; na Igrexa latina cóstanos entrar na dinámica espiritual e festiva de esta vixilia.

 

Celebración da Vixilia Pascual:

                                           
 
 
 
 
 
 
 
 
 
 
 
 
 
 
 
 
 
 ]]>