Cornelio de Holanda

Domingo de Gloria

por CelebracionesEspiritualidadEventos especialesFestividadesGaleríaHistoria

Domingo de Resurrección

¡Felices Pascuas! ¡Cristo resucitou!

 
 
A nosa fe na resurrección do Señor vennos da Igrexa, que durante séculos  foinos transmitindo a testemuña dos apóstolos, que viron a sepultura valeira, creron no Señor e comeron na mesma mesa co resucitado.
O domingo de Pascua de Resurrección é solemnidade de solemnidades na Igrexa. Noutros anos estariamos a falar da festa das festas dos cristiáns. Iso explica que non chegue un só domingo para os festexos, Fan falta cincuenta días da celebración da Pascua. Como dicía san Atanasio: “os cincuenta días que van dende o domingo de Pascua ata o domingo de Pentecostes ten que ser celebrados con alegría e exultación como si se tratase de un só e único día festivo, aínda máis, coma un gran domingo”.
Pero os mesmos cincuenta días son pousos e por iso en tódolos domingos do ano celebramos a festa da resurrección de Cristo sobre o poder da morte e do pecado. Ca resurrección do Señor vense cumpridas as promesas de un ceo novo e de unha terra nova, onda no haberá choros nin bagoas; loito nin tristura, escuridade nin tebras. Será o día do Señor, que supera todo mal.  
Nós, nestes días, abatidos polo peso do mal no mundo, pedímoslle ao Señor que ilumine ás nosas autoridades e a o persoal do mundo da sabedoría para que encontren remedio oportuno a o noso sufrimento. Esperamos gozar de esa nova terra, en compañía dos nosos amigos e coñecidos. E na mentres, a pesar de todo, queremos berrar moi alto: ¡Felices Pascuas para todos, Cristo resucitou!
 
Fotos Celebración:
]]>

_67A1863_1

Sábado Santo

por CelebracionesEspiritualidadEventos especialesFestividadesGaleríaHistoria

Sábado Santo

Sábado de Gloria

 
“A túa cruz adoramos, Señor, e a túa santa resurrección alabamos e glorificamos. Polo madeiro veu a salvación a o mundo enteiro”
O sábado santo pola mañá, a beira do sepulcro do Señor, é tempo de reflexión, de silencio, de oración, de contemplación e de firme esperanza. Non acaba todo coa morte do Señor. A o lado da Mai Dolorosa e a os pés do Santo Cristo de Ourense sentímonos agarimados. ¡Canto nos quere Deus, como nos coida con tenrura e como nos ama ata o extremo de darnos a o seu Fillo, morto na cruz, para a salvación de  todos! O Santo Cristo asume a dor dos enfermos todos, a dor dos seus familiares e amigos, a dor de todos aqueles que ten perdido a un ser querido neste días de desolación humana.
“Esta é a  noite na que rotas as cadeas da morte, Cristo ascende vitorioso do abismo”
Pero chega a celebración principal da Semana Santa, a Vixilia Pascual, e nai de tódalas vixilias.  Céntrase na luz, que é Cristo, luz do mundo, que disipa tódalas tebras, escuridades e mentiras. O canto celestial da Anxélica resume o gozo da Igrexa no encontro con Señor resucitado:.  “Esta noite santa espanta os pecados, lava as culpas, devolve a inocencia a os caídos, a alegría a os tristes”.  ¡Que Deus nos libre da escuridade na que nos ten metidos o coronavirus!
«Luz de Cristo. Demos gracias A dios”
Lembramos a da Historia da Salvación, que culmina no Novo Testamento con Cristo Glorioso e co canto do Pascual. A liturxia bautismal, axúdanos a renovar as promesas do noso bautismo para vivir como criaturas novas. A celebración remata coa Eucaristía e con xestos de alegría en tódalas familias que seguen a celebración por la TVG. ¡Feliz Pascua de Resurrección para todos!
Fotos Celebración:
]]>

IMG_8398

Venres Santo

por CelebracionesEspiritualidadEventos especialesFestividadesHistoria

Venres Santo

“Non choredes por min, chorade polos vosos fillos…”.
“Pai, perdóalles, porque non saben o que fan”.
“Hoxe estarás con migo no paraíso”
 
Hoxe é venres santo. O Viacrucis escríbese cos sufrimentos do noso pobo, incorporados a Cristo que carga coa cruz de todos. Cada unha das estacións do Calvario describe a situación das mulleres e dos homes que soportan a contaminación do covid-19.
A lectura da paixón do Señor ten este ano unha resonancia especial: en Cristo lemos a nosa vida, cada quen cargado coa súa cruz e arrimados ao Señor para que nos sexa máis soportable. As palabras do Señor son tenrura e misericordia en todo o recorrido do Viacrucis. “Non choredes por min, chorade polos vosos fillos…”. “Pai, perdóalles, porque non saben o que fan”. “Hoxe estarás con migo no paraíso”. “Todo está cumprido”. Seguir ao Señor é seguir a historia da humanidade de hoxe.
Hoxe rezamos polas necesidades do mundo enteiro. Neste ano especialmente polos afectados polo coronavirus, polos traballadores do mundo da saúde, por todos aqueles que prestan servicios excepcionais en favor dos doentes e tamén nos acordamos dos fieis defuntos. ¡Que o Señor nos libre deste mal!
 
Adoramos a  Cruz Redentora do Señor. É o acto principal nesta xornada. Farémolo dende o noso corazón con unha inclinación profunda. “Mirade a árbore da Cruz, onde estivo cravada a salvación do mundo. !Vinde todos a adorala!
Fotos Celebración:
 ]]>

20180329_080315

Xoves Santo

por CelebracionesEspiritualidadFestividadesHistoria

Xoves Santo, Día do amor fraterno.

Semana Santa, semana da humanidade en espera, na espera da Vida, na espera de Cristo Resucitado.
“Tomade e comede, isto é o meu corpo…”
“Facede isto en memoria de min”
“Amádevos uns a os outros como eu vos teño amado”
“Non vos deixarei sos; eu estarei convosco ata a fin do mundo”
Neste día a consagración do pan e máis do viño polo noso Señor refrescan a nosa memoria e convídannos a acción de gracias que é a Eucaristía: “tomade e comede, isto é o meu corpo”, “tomade e bebede, este é o cáliz do meu sangue”. Vivimos tempos difíciles pola pandemia que nos afecta. Parécenos como si Deus, xa canso, abandonase o noso mundo. Pero é só aparencia, pois o Señor, é fiel sempre a palabra a prometida: “eu estarei convosco tódolos días ata a fin do mundo”.
Neste día recordamos a institución do sacerdocio coas palabras do Señor: “facede isto en memoria de min”. Os sacerdotes, o presbiterio diocesano, estamos chamados a facer as veces do Señor. Sabemos que a tarefa non é doada; facer as veces de Deus feito home non é posible. Sabemos a meta a que estamos chamados, pero somos conscientes das nosas debilidades, como todo o mundo coñece. A pesar de iso seguimos prestando o servicio da curación polos sacramentos da santa Nai Igrexa. Posiblemente na peste de hoxe faltan San Roques e San Martiños de Tours que compartan a vida cos máis infectados.
Neste día celebramos o día do amor fraterno. ¡Que fácil é hoxe comprender isto! As 20 horas aplaudímoslle a os nosos sanitarios, ás forzas armadas, as persoas que prestan os servicios máis necesarios no memento presente. As 12.00 horas soan as campás das igrexas para o rezo do Ánxelus en oración por tódolos implicados na loita contra o coronavirus, vivos e defuntos.. E no transfundo, o Señor: “amádevos uns a os outros, como eu vos teño amado”. 
 
Fotos Celebración:
]]>